NADIR HAROUB ‘CANNAVARO’ AWAPA MATUMAINI WANAJANGWANI

Nahodha na beki wa kati wa Yanga, Nadir Haroub ‘Cannavaro’ amewatoa hofu mashabiki wa timu yake kuwa wamejipanga vizuri kwenye mchezo wao dhidi ya MC Alger ya Algeria leo.

Leo Jumamosi kwenye Uwanja wa Taifa, Dar es Salaam, Yanga inacheza mechi ya kufuzu hatua ya makundi ya Kombe la Shirikisho Afrika na MC Alger ya Algeria.
Cannavaro amesema “Tunajua wapinzani wetu ni timu ngumu, lakini tumejipanga kuibuka na ushindi  mkubwa ili tujiweke mazingira mazuri ya kusonga mbele.
Aliendelea kusema “Wapinzani wetu wana historia kubwa na michuano ya kimataifa ngazi ya klabu tofauti na sisi ambao tumekuwa hatufiki mbali, hata hivyo tuna uzoefu na timu za Kiarabu, hivyo tutapambana.”
Akitaja idadi ya magoli ya ushindi Cannavaro amesema “Tumejipanga kuwafunga hapa nyumbani siyo chini ya mabao matatu kwa sababu itakuwa na faida kubwa katika mchezo wa marudiano.” Alisikika Cannavaro kwenye mahojiano yake na Azam Tv Jana jioni.

Kutokana na mazoezi ya jana asubuhi, kuna uwezekano Cannavaro akaanza kikosi cha kwanza kwa kucheza na Vincent Bossou katika nafasi ya beki wa kati.