Wabogojo alivyoisaidia Muziki ya Darassa kupaa kimataifa, soma maoni ya mashabiki nje ya TZ

Mwaka 2016 unamalizika ukiwa na historia ambayo haitosahaulika kwenye maisha ya muziki ya rapper Darassa. Rapper huyo amefanikiwa kutengeneza wimbo namba moja Tanzania kwa sasa huku pia umaarufu wa wimbo huo ukiendelea kusambaa kwa kasi ya ajabu katika nchi zingine.

Tunavyozungumza sasa, wimbo huo ni moja ya nyimbo kubwa Kenya na kinachofurahisha zaidi, Wakenya wameupenda kwakuwa una ladha ya muziki wa Kapuka na baadhi ya mashairi yake yamewafanya wafikirie kuwa ana asili ya Kenya

Lakini kuna mtu mmoja muhimu ambaye Darassa na Ben Pol wanapaswa kumshukuru kwa kusaidia kuupaisha wimbo huo nje ya mipaka ya Tanzania. Si mwingine ni mchekeshaji na mcheza sarakasi, Wabogojo. Wiki tatu zilizopita, mchekeshaji huyo alipost video akiwa amejifunga taulo la pinki na mswaki mdomoni akiucheza wimbo huo kwa mbwembwe nyingi.

Ndani ya muda mfupi, video hiyo ilisambaa mtandaoni hasa Facebook na Instagram na watu wengi nje ya Tanzania wakaiona. Umaarufu wa video hiyo uliwafanya watu waende Youtube kuutazama wimbo mwenyewe na kujikuta wakipenda walichokiona na kukisikia. Wengi wameeleza kwenye video ya Darassa kuwa wameenda kuitazama baada ya kuiona video ya Wabogojo ambaye wamempa jina ‘The Guy With A Pink Towel.’