Dj wa Maisha Basement, Dj Ally B, anamejipanga kujiweka tofauti na madj wenzake kwa kuanzisha utaratibu wa kuachia mixtape ambapo hivi karibuni ataanza kwa kuachia mixtape mpya ‘Fresh From Kitaa Vol 2.Dj Ally B’.Akiongea na waandishi wa habari Maisha Basement jijini Dar es Salaam, Dj Ally B amesema kuwa mixtape hiyo inayotarajiwa kuzinduliwa katika ukumbi wa Maisha Basement siku ya Jumapili Oktoba 9, ikiwa imesheheni wasanii mbalimbali wenye nyimbo kali kutoka sehemu tofauti akiwemo Justin Bierber, Drake, Tekno, Wizkid, Patoranking, Dogo Janja, Darasa, Navy Kenzo, Bilnas, Barnaba na wengine wengi.
Dj huyo alisema hiyo ni zawadi kwa mashabiki wake na itatolewa bure siku hiyo ya uzinduzi, pia atakuwa anatambulisha mixtape mpya kila mwezi kwa kuongeza maboresho kwenye kila mixtape ili kujenga ukaribu na mahusiano mazuri kati yake na mashabiki wake na kukuza thamani ya kazi hiyo ya U-dj hapa nchini na kufikia anga za kimataifa.
Pia amewataka mashabiki wake waweze kuipakua mixtape hiyo kupitia mitandao ya kijamii kwa ikiwemo Hulkshare pamoja na Sound Cloud.
Hakuna maoni:
Chapisha Maoni