Young Killer atoa sababu iliyomfanya achelewe kufanya kolabo na wasanii wa nje

Rapper Young Killer amefunguka kwa kuitaja sababu iliyomfanya achelewe kufanya kolabo na wasanii kutoka nje ya nchi.Young Killer amekiambia kipindi cha Planet Bongo cha East Afrika Radio kuwa alikuwa hataki kufanya hivyo mapema kwakuwa alikuwa akitaka watu wamfahamu zaidi.

“Nipo kwenye hatua za mwisho kuweka mambo sawa,” amesema Killer. “Nilikuwa sitaki kutoka nje wakati kuna watu vijijini hawamfahamu Young Killer ni nani. Tayari nina kolabo ambayo ipo tayari nimefanya na Khaligraph Jones na muda wowote itatoka.”

Kwa sasa rapper huyo anafanya vizuri na wimbo wake wa ‘Mtafutaji’ huku video ya wimbo huo akitarajiwa kuiachia hivi karibuni kabla ya kuachia wimbo wake mpya aliomshirikisha Khaligraph.